PROIEKTUA: Offshore energia eolikoaren sektorerako material jasangarri berrietan, babes-teknologietan eta monitorizazio-sistemetan berrikuntza.
LORPENA: Estaldura aurreratuak eta monitorizazio-teknologiak garatzea, offshore eolikoaren egituren korrosioaren aurkako babesa eta iraunkortasuna hobetzeko.
HAIZEEKO proiektuaren helburua offshore energia eolikoaren sektorean berrikuntza bultzatzea da, material jasangarriak, babes-teknologia aurreratuak eta monitorizazio-sistema adimendunak garatuz, batez ere itsas aerosorgailuen paletan eta egituretan aplikatzeko.
Itsasoko energia eolikoko azpiegiturek muturreko ingurumen-baldintzetan jarduten dute, eta horrek korrosioa, higadura eta mantentze-kostu handiak eragiten ditu. Ohiko estaldura-sistemek mugak dituzte iraunkortasunari, ingurumen-inpaktuari eta ustiapen-kostuei dagokienez; horregatik, irtenbide eraginkorrago eta jasangarriagoak garatzeko beharra dago.
Testuinguru horretan, proiektuak estaldura aurreratuak, paletarako material birziklagarri berriak eta egituren monitorizazio-teknologiak ikertzen ditu, offshore sistemen iraunkortasuna, energia-eraginkortasuna eta jasangarritasuna hobetzeko helburuarekin.
Proiektua Navacel enpresak koordinatzen du, eta honako hauek parte hartzen dute: Argolabe Ingeniería, Mecanizados Ekimen, Global Factor, Innomat Coatings, Innovation Tree, Manutención y Manipulación Eraman, Kera-Coat eta Mandiola Composites; baita CIDETEC eta TECNALIA ZTBESeko eragileek ere.
Proiektuak hiru urteko iraupena izango du (2025–2027).
Proiektua Eusko Jaurlaritzako Industria, Trantsizio Energetiko eta Jasangarritasun Sailak diruz lagundu du (HAZITEK Programa), eta Eskualde Garapeneko Europako Funtsak (EGEF/FEDER) kofinantzatzen du.